成隻碟有12隻歌，我呢隻係初回限定，多一隻DVD碟，不過，我要聽歌！
聽完之後，我覺得佢唱殘雪、淚光閃閃、藍燈橫濱麻麻地，因為呢3首唔可以死用演歌技巧唱，殘雪係結他Folk、淚光閃閃基本上只有夏川里美唱得最好 (兩者比較，夏川的細緻，岩佐相對較粗) 藍燈係60年代情歌，不是演歌，佢太細個，唱到唔知點咁。正歌就係主打越冬つばめ、償還、任時光在身邊流逝、北の宿から(最主打呢首!)。至於Love Is Over，這首歌應該是經歷滄桑的女性唱比較適合，岩佐未夠，揀o個個係玩佢。其他的可以一聽。
剛才所謂"死用演歌"方法，簡單講就是死"練"住把聲來唱，不太懂放輕把聲。不過，大家睇得出佢既演歌進步不少。因為由無人站開始，慢慢懂得用感情控制首歌，而不是硬硬的"去到邊個位就用邊個音啦"o個種生硬感覺，在"假如我住在天空上"的副歌部份，同"無人站"副歌比較，前者比較自然。呢隻大碟中北の宿から的副歌中 "....あなた、こいしい。。。”當中轉假聲部份雖然在點急，但是好明顯是為了突出"こいしい"的假音，從真音轉假音係聽得出係順的，這是一個好好的進步。大家收到隻碟時不妨留意一下。
我其實可以寫得更多的，但畢竟只是聽了一次，要聽多幾次先能夠再有D料跟大家分享。4星碟，比左好多分在"北の宿から"度。
成隻碟，5分滿分的話會俾4分。那1分是因為演歌內的轉聲控制，抑揚頓挫的部份仍然有進步空間，以及用演歌風格唱流行曲的問題。
這只是我第1次聽完整隻碟而得出來的"碟評"，我也許會再加以補充。
最後，岩佐美咲是所有AKB成員裡面最想佢成功的成員。由紀是我偶像，但我不會寫她的任何碟評，因為我寫由紀恐怕是全港最不公平，最偏幫的，所以我一定不會寫。
沒有留言:
張貼留言